თბილისის სააპელაციო სასამართლოს უკრაინელი მოსამართლეები ესტუმრნენ. დელეგაციის წევრები თბილისის სააპელაციო სასამართლოს თავმჯდომარეს, მოსამართლეებსა და აპარატის მოხელეებს შეხვდნენ. კოლეგებმა ერთმანეთს საკუთარი ცოდნა და გამოცდილება გაუზიარეს. განსაკუთრებული ინტერესი სასამართლო სისტემაში მიმდინარე რეფორმებმა გამოიწვია. სტუმრებმა დაათვალიერეს სასამართლოს შენობა და სხდომის დარბაზები.
უკრაინელი მოსამართლეების მიზანია ქართული სასამართლო სისტემის გაცნობა და საერთო სასამართლოებში მიმდინარე რეფორმებზე დაკვირვება.
ვიზიტის ფარგლებში ქართველი და უკრაინელი მოსამართლეები სამომავლო გეგმებსა და ერთობლივი პროექტების განხორციელებაზე შეთანხმდნენ.