თბილისის სააპელაციო სასამართლოს თავმჯდომარის ბიუროს მიერ შემუშავდა ახალი ბროშურა: ,,სისხლის სამართლის პროცესის მონაწილეთა უფლება-მოვალეობები სააპელაციო ინსტანციის სასამართლოში’’.
ბროშურა, რომელიც განკუთვნილია იურიდიული განათლების არმქონე პირთათვის. იგი მიზნად ისახავს: დაეხმაროს საქმის სააპელაციო ინსტანციაში განხილვის მონაწილეებს კანონმდებლობით მათთვის მინიჭებული უფლებების სრულ და ხარისხიან დაცვაში, გააცნოს მათი ვალდებულებები. ბროშურაში მოკლედ, ნათლად და ლაკონურად არის გადმოცემული სისხლის სამართლის პროცესის მონაწილეთა: მსჯავრდებულის, მისი დამცველის, პროკურორის, დაზარალებულის, დაზარალებულის წარმომადგენლის, სამოქალაქო მოსარჩელის, მისი წარმომადგენლის, სამოქალაქო მოპასუხის, მისი წარმომადგენლის, ექსპერტის, თარჯიმნის, სპეციალისტის და მოწმის უფლება-მოვალეობები.